Katungod sa konsumedor tuki-on
CEBU, Philippines - Ipatawag sa konseho sa dakbayan sa Sugbo ang mga representante sa supermarket, Department of Trade and Industry, local consumer groups ug Department of Health aron tukion ang Consumer Welfare ug Consumer Protection. Tuyo usab niini nga masayud ang publiko sa katungod isip konsumedor ug sa kalidad sa produkto ug serbisyo sa matag supermarket ug grocery stores sa dakbayan sa Sugbo.
Si Konsehal Alvin Dizon niingon nga siya mismo nakasuway nga ang isda may ulod ug dali niya’ng gipatawag ang supervisor sa supermarket.
May reklamo sab sa niaging tuig sa usa ka daku nga supermarket diin ang prutas nga giputos og plastik gi-molds na.
Matud ni Dizon nga kinahanglan magiyahan ang publiko sa sakto nga impormasyon mahitungod sa responsabilidad sa mga supermarket ug grocery stores. (BANAT NEWS)
- Latest
