Nagpatay sa kapitan mo-surrender?

CEBU, Philippines - Nakadawat og taho ang kapolisan nga andam mo-surrender ang suspek sa pagpusil patay kang kapitan Timoteo Largo sa dakbayan sa Toledo.

Ang direktor sa Cebu Provincial Police Office, Senior Superintendent Noel Gillamac miingon nga giandam na nila ang mga pamahayag sa mga saksi.

Dugang pa niya nga kun makompleto na nila posible na nga mapasakaan na og kaso si Dionesio Juarez.

Matud pa nga nakapa-agni ni Juarez nga mo-surrender tungod kay gipahibalo na siya sa iyang pamilya nga gipangita na siya sa mga tinugyanan sa balaud.

Awhag ni Gillamac sa suspek nga motahan na lang sa iyang kaugalingon aron mahatagan siya og seguridad.

Gipasalig ni Gillamac nga luwas si Juarez sa higayun nga mo-surrender apan kun magmagahi, dili makaseguro si Gillamac sa iyang dangatan.

Si Largo, kapitan sa barangay Cambang-og, nakalas human gibabagan ang iyang sakyanan ni Juarez sa barangay Ilihan ug gipusil sa pipila ka higayun. (BANAT NEWS)