Rama mokiha sa konseho
CEBU, Philippines - Gihulga ni Cebu City Mayor Michael Rama nga ikiha ang konseho tungod sa paglangan sa pag-aprobar sa budget sa pagbayad sa utang ngadto sa Japan International Cooperation Agency.
Gihiklin sa konseho ang proposal sa tulo ka bangko sa pag-convert sa Yen-denominated loan sa pagtukod sa South Road Properties nga giduso sa Land Bank of the Philippines, Philippines National Bank ug Development Bank of the Philippines.
Si Konsehal Sisinio Andales nagkanayun nga wala’y resolusyon ang konseho sa pagtugot kang Rama sa conversion scheme. Apan si Rama miingon nga dili importante nga mangayo pa og authorization gikan sa konseho para sa conversion sa Yen ngadto sa Peso. Matud ni Rama nga economic sabotage ang gihimo sa konseho.
Dul-an sa P3 bilyones ang utang sa dakbayan sa JICA nga bayran sulod sa 25 ka tuig. Ang maong kantidad giingong nisaka na ngadto sa P6 bilyones tungod sa ubos nga balor sa Peso ngadto sa Yen.
Giklaro ni Rama nga ang iyang gibuhat para sa katawhan ug dili para sa personal nga interes. (Sheriza Mae Ramirez Uy, USJ-R Masscom Intern/GMR)(BANAT NEWS)
- Latest
