55-anyos gitagod

CEBU, Philippines – Naligo sa kaugalingong dugo ug napuno og samad tinigbasan lakip na mga bun-og sa kalawasan ang nagsugod na kadugta nga lawas sa usa ka 55-anyos nga mag-uuma sa dihang nakit-an sud sa iyang balay sa Sitio Nahulga’g-Bangkaw, Barangay Cabaslangan, Balamban.

Ang biktima naila nga si Saturnino Dayday Pitogo , buwag sa asawa, ug nag-inusarang nagpuyo sa iyang balay sa maong lugar.

Nakit-an siya sa usa ka Joselito Narvasa kinsa gisugo sa nakapalit sa katunga sa yuta sa biktima kay anihon ang mga lubi. Matud pa nga si Narvasa mangutana unta kun asa ang utlanan ug ang mga lubi nga pakatkatan.

Matud ni Police Officer 3 Josephus Montesclaros sa Balamban Police Station nga gituohan nilang gikawatan ang biktima una pa kini gitagod og tigbas sa wala pa mailhing tulisan.

Naobserbahan nga nangabali na ang mga bulsa sa gisul-ob niining cargo shorts ug nawala na usab ang P30 mil nga parti sa gi-data sa yuta nga iyang gibaligya ug gisud sa gamay'ng itom nga bag . Ang biktima nakaangkon og upat ka pulgadang samad sa agtang padulong sa ulo ug ang bukton niini napuno sa bun-og agi sa pagsagang sa biktima.

Matud sa mga igsuon, niadtong Disyembre 22, sa miaging tuig gidatahan og P30 mil ang biktima sa gibaligya niining yuta. Way nahibaw-an ang kabanay niini nga duna kini nakaaway aron siya patyon. – /EIM) (BANAT NEWS)