CEBU, Philippines - Mokabat sa kapin P200,000 nga kantidad sa drugas ang nasakmit sa Provincial Intelligence Branch (PIB) sa Cebu Provincial Police Office gikan sa usa ka gituohang level 3 drug pusher sa Barangay Poblacion siyudad sa Toledo. Ang nadakpan mao si Ezra Nicola Hernandez, nagpuyo sa maong lugar.
Matud pa ni Senior Inspector Leo Logroño sa PIB nga nahinabi sa Banat News niadto pang nakalabay nga tuig nagsugod pamaligya og shabu ang suspek.
Nakuha sa buy-bust operation ang upat ka dagkong putos ug lima ka gagmay nga pakete sa gituohang shabu nga mitimbang og 22.2 gramos nga mikantidad sa P261, 960. (BANAT NEWS)