CEBU, Philippines – Mokabat sa P16 mil ang balor sa mga butang nga gikawat sa usa ka balay duol sa fishing lagoon sa barangay Poblacion, lungsod sa Liloan niadtong Domingo sa kadlawon.
Ang biktima mao ang negosyante nga si Michael Mendoza, tag-iya sa Papa Kit’s Marina and Fishing Lagoon sa Silot Bay sa maong lungsod.
Ang guwardiya sa maong lagoon nga si Renato Alferez nga taga sitio Bakante, Tayud, Liloan ang nakadiskubre sa pagpanglungkab ug mao sab ang nitaho sa kapolisan.
Nasuta nga niagi sa bintana sa balay sa biktima ang kawatan ug gisakiyo ang mga mahalong cellphone, relo, helmet ug P5 mil nga cash. – /GMR) (BANAT NEWS)