Lola nadasmaga’g motor patay
CEBU, Philippines – Patay ang 74-anyos nga babaye nga nadasmagan sa naghaguros nga motorsiklo alas 6 pasado kagahapon sa buntag sa Poblacion, lungsod sa Compostela.
Ang namatay mao si Lolita Ruelan, nagpuyo sa maong dapit ug ang nakadasmag mao ang Honda XRM nga motorsiklo nga giluwanan ni Joe Rex Roca, 20-anyos nga taga Quiot, Pardo, dakbayan sa Sugbo.
Si Senior Police Officer 2 Ramir Maglasang, field investigator sa traffic section sa Compostela Police Station, miingon nga padulong sa dakbayan sa Sugbo ang motorsiklo nga giluwanan ni Roca.
Dihang nahidangat sa maong dapit, kalit lang nadasmagan ang biktima nga nilabang paingon sa atbang nga nakaingon sa pagkalamba ngadto sa karsada.
Grabeng kadaut sa kalawasan ang naangkon sa biktima kinsa dali nga gihatud sa Danao City Provincial Hospital apan ang mga doktor mideklarar niini nga dead on arrival.
Ang suspek nitahan sa kapolisan ug temporaryo nga gitanggong sa detention cell alang sa tukmang lakang nga ilang pagahimoon. – /GMR) (BANAT NEWS)
- Latest
