CEBU, Philippines – Mayor Michael Rama mopasaka og kaso sa konseho sa dakbayan human wala tugoti ang iyang giduso nga P18.9 bilyones annual budget sunod tuig 2015.
Si Rama nagkanayon nga kadtong mga konsehal nga miaprubar sa budget apan dunay kondisyones maoy iyang pasakaan og kaso diha sa Ombudsman for the Visayas.
Sa gipahigayon nga budget hearing niadtong Sabado sa buntag, nagkalalis ug gikwestyon ang maong budget apan sa kataposan naaprubahan kini apan dili ang P18 bilyones nga gipangayo ni Rama.
“Provision that does not belong to them but belong to the office of the mayor exercising I’m very clear sa terms and condition next year will be continuing legal battle,” matud pa ni Rama.
Si Bise Mayor Edgar Labella daan nang mipasidaan sa mga konsehal nga mag-amping sa ilang gipanglitok ug gipanghimo nga mga provision tungod kay adunay posibilidad nga mapasakaan sila og kaso sama sa nahitabo sa calamity assistance nga gipang apud-apod sa mga city hall employees sa miaging tuig.
Ang konseho mihatag lang og P13 bilyones kapin sa gipangayong budget nga P18 bilyones ni Rama tungod kay matud nila dili maabot sa siyudad ang maong budget. – /EIM) (BANAT NEWS)