Direct Relief nanghatag medical kits

CEBU, Philippines - Nakadawat og 18 ka Emergency Medical Kits ang Kapitolyo gikan sa usa ka international agency nga Direct Relief alang sa mga lungsod nga nakapaubos na sa Emergency Response Training. Ang maong mga kits Emergency Medical Kit magamit sa “first aid” ug kung mahurot na ang sulod ang mga lungsod na mopalit aron ihulip. Ang sulod sa kit mao ang bandage, tambal, pang-dressing ug uban pang medical supplies.

Kagahapon atol sa turnover, upat ka lungsod lang ang nagpadala og representante aron modawat sa ilang emergency kit. Kini ang lungsod sa Barili, Minglanilla, Liloan ug Bantayan. Ang matag emergency kit nagkantidad og P37,000 ug first batch pa lang ang mga gipanghatag kagahapon. (BANAT NEWS)