Sec. Paje wa’y supak sa reclamation

CEBU, Philippines - Gibutyag ni Department of Environment and Natural Resources Secretary Ramon Paje nga wala siya’y nakitang problema labot sa pagpatuman og reclamation project. Apan giklaro ni Paje nga kinahanglan nga isubay sa tanang proseso ang pagpatuman niini. Si Paje kinsa dinhi sa Sugbo kagahapon miingon nga dili sila motugot kun ang reclamation project makadaut sa kalikupan ug wala’y permit sama sa gihimo sa lungsod sa Boljoon.

Ang reclamation project gihimo isip proteksyon sa storm surge. Apan nasuta nga wala’y Environmental Compliance Certificate hinungdan nga gipahunong sa DENR.

Hinuon ang kagamhanan sa lungsod sa Boljoon mipasalig nga mokuha sila og ECC sa maong proyekto. Ang DENR gikatakda nga mupahigayon og Technical Conference aron masayran sa hingtungdan ang mga kalapasan nga ilang nahimo ug unsa’y angay buhaton alang sa maong proyekto. (BANAT NEWS)