CEBU, Philippines - Nasikop ang tulo ka lalaki human nasakpan nga naghupot og ginadiling drugas atol sa checkpoint sa M.J. Cuenco Avenue, T. Padilla, Cebu City niadtong Huwebes.
Ang mga nasikop mao sila si Jaime Conchas Jr., 26, taga Maguikay, Mandaue City; Van Anthony Huena, 21, taga Maslog, Tabogon, ug Ian Fernandez, 26, taga Guizo, Mandaue City.
Nakuha gikan sa tagsa-tagsa ka dinakpan ang tulo ka gagmay’ng pakete sa gituohang shabu.
Matud ni SPO3 Valentino Guevarra sa Parian Police Station nga nagsakay ang tulo ka dinakpan sa usa ka jeep de pasaheroan nga naatlan sa checkpoint.
Gipahunong sa kapolisan ang jeep ug girikisa ug didto nakit-an ang ginagmay’ng pakete sa shabu nga gitagoan sa mga dinakpan.
Ang mga dinakpan gidala sa Parian Police Station. (Janice Marsada, USJ-R Masscom Intern/GMR)(BANAT NEWS)