CEBU, Philippines – Madawat na sa gatosan ka kawani sa Toledo City Hall ang ilang mga Christmas bonus human giaprubahan sa konseho ang hangyo ni Toledo City Mayor John Henry Osmeña ang budget nga mokabat sa kapin sa P26 milyones.
Una niini, miduso og resolusyon si Toledo City Councilor Helen Jill Espinosa, chairman sa committee on finance and appropriations, sa pag-aprubar sa kinatibuk-ang P26, 611,435.51 nga budget.
Ang paghatag sa Christmas bonus sa mga kawani sa gobiyerno gibase kini sa guidelines sa Republic Act 6686, balaod nga naghatag og pagtugot sa annual Christmas bonus sa tanang lokal ug national nga empleyado sa gobiyerno.
Sa gipahigayong regular session sa konseho niadtong adlaw nga Lunes, giaprubahan sa konseho ang maong pundo sa ikaduha ug katapusang pagbasa.
Gihangop usab sa mga empleyado nga nitambong sa sesyon sa pag-aprubar sa resolusyon. Wala hinuon gibutyag ang kantidad kun pila ang madawat nga bonus sa mga empleyado matag usa. –
/EIM) (BANAT NEWS)