Polis gihagit og sumbagay sa hubog

CEBU, Philippines - Hubog nga lalaki nga nanghagit og sumbagay sa usa ka polis gidakop didto sa Villagonzalo II, Barangay Tejero, dakbayan sa Sugbo kaniadtong Domingo sa gabii.

Si Evinezer Donaire Arboil, 33, lumolupyo sa Villagonzalo II, nihimo og kasamok sa lugar ug gisyagitan ang usa ka residente nga si Rosemarie Gemina og mga malisyoso’ng pulong.

Si Gemina dali nga nanawag og mga polis aron dakpon ang suspetsado. Pag-abot sa mga polis gimandoan nila si Arboil nga mokanaug apan nisukol hinuon ug nihagit pa og sumbagay sa polis.

Ang giposasan nga si Arboil gidala sa Cebu City Medical Center ug gipakuhaan og liquot test. Namatud-an nga si Arboil ubos sa gahum sa alak.

Gitanggong si Arboil sa bilanggoan sa Waterfront Police Station ug gipaabot nga pasakaan og kaso.  (BANAT NEWS)

 

Show comments