Mga batan-on target sa drugtest
CEBU, Philippines - Nagtinguha ang Cebu Provincial Anti-Drug Abuse Commission (CPADAC) sa pagpaubos sa drug test sa kabatan-onan sunod tuig.
Kini isip paagi nga mapugngan ang pagtaas sa kaso sa tiggamitan sa ilegal nga drugas sa probinsiya.
Matud ni Gob. Hilario Davide III nga ilang dasigon ang kabarangayan sa paghulma og anti-drug abuse council.
"Kahibawo man ta nga dili nato ma-eliminate ang drugs but at least makatabang ta sa atong mga kaigsuonan," sumala ni Davide.
Ang CPADAC nakig-abag sa Philippine Drug Enforcement Agency (PDEA), kapolisan ug ubang ahensiya batok sa ilegal nga drugas. Tumong nga ang kabatan-onan hatagan og pagtagad aron nga dili maguba ang ilang kaugmaon sumala pa ni Davide. (Lorelyn D. Dechos, USJR MassComm Intern/GMR)(BANAT NEWS)
- Latest
