Libud-suroy gihipos

CEBU, Philippines - Mokabat sa 200 ka mga night-dwellers o kadtong mangatulog sa aseras ang gipanghipos sa kagamhanan sa dakbayan sa Sugbo gikan sa kadalanan ug gibutang sa San Roque gymnasium sa miaging gabii.

Sila gipanghipos subay sa mando ni Cebu City Mayor Michael Rama nga hawanan ang kadalanan sa dakbayan gikan sa mga night-dwellers nga naa na mangatulog sa kadalanan.

Ang Task Force for Better Life maoy gitahasan paghipos  sa mga street children, mga may kakulian sa pangisip, apil na ang mga manindahay nga gihimong katulganan ang dalan ug mga manaygonay.

Matud sa mayor nga nakadugang ang mga night-dwellers sa kahugaw sa kadalanan.

Gihatagan ni Rama kutob sa buwan sa Enero  ang task force nga mahipos ang tanang libud-suroy sa siyudad .  (BANAT NEWS)