Children’s Month gitapos
CEBU, Philippines – Gatosan ka bata gikan sa tulo ka probinsiya ug 14 ka siyudad sa Central Visayas ang nagtagbo sa dakbayan sa Mandaue alang sa culmination sa ika-22 nga Children’s Month nga gipasiugdahan sa Department of Social Welfare and Development (DSWD).
Nagpangedaron og 3 ug 4-anyos nga mga tinun-an sa day care centers ang nisalmot sa draw and tell contest, singing contest ug folk dance contest.
Ang mananaug sa municipal level makigtigi sa provincial level ug makadawat og cash prize, recognition ug certificate gikan sa DSWD-7.
Gipasabot sa focal person, Grace Yana, bisan sa kalinghud pa sa pangedaron, mamahimo na nilang ikapasigarbo ug mapalambo ang ilang mga talent sa kabataan.
Ang tema karong tuiga nga panapos sa Children’s Month mao ang “bata kasali ka, ikaw ay mahalaga”.
Matud ni Yana nga ang programa suportado sa mga lokal nga kagamhanan. – /GMR) (BANAT NEWS)
- Latest
