CEBU, Philippines – Hatagan og ambulansiya sa kagamhanan sa dakbayan sa Sugbo ang siyam ka barangay.
Ang siyam mao ang Basak-San Nicolas, Duljo-Fatima, Calamba, Lusaran, Toong, Agsungot, Tagbao, Sudlon I ug Buot.
Una na nga nakadawat ang unom ka barangay sa Apas, Basak Pardo, Sambag II, Pit-os ug Sawang Calero.
Matag ambulansiya moserbisyo sa tulo ngadto sa upat ka clustered nga barangays.
Mokuha og mga rehistrado nga nurses ug paramedics ang kagamhanan nga idestino sa tagsa-tagsa ka ambulansiya.
Matud ni Konsehal Dave Tumulak nga kabahin kini sa programa ni Mayor Michael Rama sa pagpalapad sa medical assistance sa kabarangayan.
Ang mga opisyal sa barangay ang moduso sa pangan sa mga nurses ug medics nga ipaubos sa training.
Matud ni Tumulak nga sunod tuig ang sweldo sa nurses ug medics abagahon na sa barangay sanglit nagnihit ang pondo sa kagamhanan sa siyudad.
Ang programa may kalabutan usab sa pagpangandam sa umaabot International Eucharistic Congress (IEC) sunod tuig ug Asia-Pacific Economic Cooperation (APEC) Summit aron matagad ang unsa man nga emerhensiya. – /GMR) (BANAT NEWS)