IEC dry-run malampuson

CEBU, Philippines – Malampuson ang dry-run sa umaabot International Eucharistic Congress (IEC) niadtong Domingo sumala pa ni Rama.

Matud ni Rama nga nakatabang ang away ni Pacman ug Algieri hinungdan nga mingaw kaayo ang kadalanan ug wala nakamugna og huot sa trapiko ang prosesyon sa Christ The King.

Dugang ni Rama nga ang pagsira sa mga dalan nga naapektohan sa dry-run sa IEC hapsay ra sama sa dalan Escario diin gihimo ang misa atubangan sa Kapitolyo ug Osmeña Boulevard nga maoy gisubayan sa prosesyon padulong sa Plaza Independencia.

Nangayo og pasaylo si Rama sa mga naapektohan sa pagsira sa kadalanan.

Mapasalamaton si Rama sa kadaghanan nga nagpuyo lang sa balay aron pagtan-aw sa away ni Pacman ug Algieri hinungdan nga naminusan ang kasamok sa kadalanan. – /GMR) (BANAT NEWS)