CEBU, Philippines – Dili mobayad ang kagamhanan sa lalawigan sa Sugbo sa giutang sa kanhi chief security officer nga si Loy Anthony Madrigal nga mga bala sa armas sa mga sakop sa Civil Security Services Division sa Kapitolyo.
Nikabat sa P51,665.50 ang gipaningil sa APL Trading isip bayad sa mga bala nga giingong gigamit sa quarterly training sa CSSD.
Ang transaksiyon ni Madrigal napahigayon niadtong Pebrero.
Matud ni Gob. Hilario Davide III nga gipugngan niya ang purchase request samtang iyang gikwestiyon kun nganong mihatag ang APL Trading nga wala magsusi kun duna ba’y purchase order ang Provincial General Services Office.
“Of course, si Madrigal ang mobayad ana, that is his personal liability why he bought the ammunition nga wala’y approval from me?” matud ni Davide. – /GMR) (BANAT NEWS)