Kampanya batok Ebola gihingusgan

CEBU, Philippines – Gihingusgan sa Department of Health ang information dissemination batok sa makamatay nga Ebola virus.

Ang DOH-7 nanghatag og mga flyers sa mga tunghaan, tambalanan, hotels, airports ug mga buhatan aron mabasa kun unsa ang Ebola virus ug unsaon paglikay niini.

Giklaro sa DOH-7 sa flyers nga Ebola virus free ang Pilipinas.

Ang DOH-7 mopahigayon og orientation pinaagi sa pagpaubos og seminar sa mga hospital staff ug rural health units labot sa saktong pag-atiman sa pasyente nga mataptan.

Una nga himuon ang orientation sa Sugbo sunod semana samtang sa Nobiyembre 25 ang seminar sa Negros Oriental ug Siquijor, unang semana sa Disyembre sa Bohol. Ang Ebola virus nipatay na sa liboan ka tawo sa tulo ka nasud sa Africa. – /GMR) (BANAT NEWS)