SK Elections 2015 gipangandaman
CEBU, Philippines – Samtang gidebatihan pa sa Kongreso ang balaodnon sa pag-uswag sa piniliay sa Sangguniang Kabataan ngadto na sa Oktubre 2016, miluwat na ang Commission on Elections sa schedule alang sa SK elections sa Pebrero 21, 2015. Magsugod ang election period sa umaabot nga Enero 22 ngadto na sa Marso 2, 2015. Dawaton ang Certificate of Candidacy gikan sa Pebrero 7 hangtod sa 9, 2015 ug magsugod ang kampanya gikan Pebrero 11 hangtod 19.
Sa Pebrero 21 mao na ang adlaw sa piniliay sa mga rehistradong batan-on gikan alas-7 sa buntag ngadto sa alas-3 sa hapon ug isunod dayon ang pag-ihap sa boto ug pagdeklarar sa mga mananaog. Adunay 126, 731 ka mga rehistrante sa SK dinhi sa probinsya sa Sugbo, lakip niini ang nagparehistro niadtong Septiyembre ug niadtong Hulyo sa miaging tuig aron unta sa SK elections niadtong Oktubre 2013. – /EIM) (BANAT NEWS)
- Latest
