CEBU, Philippines – Dili pa hingpit ang bidding sa pagpatukod sa Cebu City Medical Center (CCMC).
Kini sukwahi sa nigawas nga report nga disqualified na ang WTG Construction nga maoy lowest bidder gumikan sa kuwang nga dokumento.
Matud ni Mayor Michael Rama nga wala pa siya’y nadawat nga report gikan sa Bids and Awards Committee ug siya ang may katungod pagdeklarar nga disqualified ang usa ka bidder kung may discrepancies.
Giklaro ni Rama nga naa pa sa post-qualification period ug daghan pa’ng proseso nga agian.
Gimandoan ni Rama ang BAC nga dili una maghisgut bahin niini atol sa emergency meeting nga iyang gipatawag. – /GMR) (BANAT NEWS)