CEBU, Philippines - Nilapas na sa kapasidad ang ihap sa mga piniriso sa Toledo City Jail.
Matud sa Jail Officer-In-Charge, Reynan Torion, nga ang prisohan gitagana lang sa 200 ka piniriso apan niabot na sa 260 sa pagkakaron.
Hinuon wala pa maghuot ang mga piniriso sa matag selda.
Ang matag piniriso adunay tag P50 nga budget sa ilang pagkaon matag adlaw.
Giabaga sa kagamhanan sa dakbayan sa Toledo ang kuryente ingon man tubig sa maong pasilidad.
Ang Toledo City Jail ubos sa pagdumala sa Bureau of Jail Management and Penology (BJMP). (BANAT NEWS)