Cardinal vidal lagsik na

CEBU, Philippines - Nahibalik na ang kalagsik sa panglawas ni Ricardo Cardinal Vidal human kini nalandig sa tambalanan gumikan sa pneumonia niadtong Sabado.

Kini ang gibutyag ni Arsobispo Jose Palma human sa iyang pagbisita kang Vidal kagahapon.

Ang media liaison officer sa Arsidyosesis sa Sugbo, Msgr. Joseph Tan, mipahibawo usab nga ang pagkalandig ni Vidal sa Intensive Care Unit sa Perpetual Succour Hospital dili angay kabalak-an.

Gipasabot ni Tan nga bisan pa man og unsa’ng klase nga balatian sa lawas sa Cardinal nahimo na gyud nga standard practice nga dad-on kini sa ICU aron hugot gyud nga ma-monitor.

Ang mga sakop sa Cebu clergy ug mga layko nanghinaut nga ang Cardinal makarekober na sa gihambin nga balatian. (BANAT NEWS)