Uling, sugnod gisakmit
CEBU, Philippines - Gisakmit sa Task Force Kalikasan ang sinakong uling ug kahoy nga pangsugnod nga gikarga sa tulo ka dagkung truck kagahapon sa buntag sa Manuel Quezon Highway, dakbayan sa Lapu-Lapu.
Si PO1 Brando Maraña sa Lapu-Lapu City Police Office-TFK nagkanayon nga gikan sa San Remigio, Carmen ug Danao ang kargamento.
Nadakpan si Regie Jugan, 43-anyos, taga Suba, Lilo-an kinsa drayber sa Mitsubishi truck nga gikargahan sa 108 ka sakong uling ug 1,100 ka bundle nga sugnod.
Laing Isuzu Elf truck nga gipanag-iya ni Jovencio Lato, 48-anyos, taga dakbayan sa Danao ang nakuhaan og 104 ka sakong uling ug 982 ka bundles sa sugnod.
Usa sab ka Isuzu Elf green truck nga gipanag-iya ni Edgar Butad, 45-anyos nga taga Yati, Lilo-an ang nasakpan usab nga may 33 ka sakong uling ug 1,600 ka bundles sa sugnod.
Giklaro ni Maraña nga adunay napakitang DENR permit ang tulo ka drayber apan wala sila’y napakita nga permit sa pag-transport sa mga uling ug mga kahoy nga pangsugnod. (BANAT NEWS)
- Latest
