PAF Mactan may bag-ong kumander

CEBU, Philippines – Pormal nga nilingkod sa katungdanan ang bag-ong kumander sa  2nd Air Division sa Philippine Air Force nga nagbase sa Mactan Benito Ebuen Airbase (MBEAB) sa dakbayan sa Lapu-Lapu.

Si Maj. Gen. Eusaquito Manalo ang nipuli kang Maj. Gen. Romeo Poquiz kinsa miretiro na sa katungdanan.

Nangulo sa Change of Command and Retirement Ceremony si Lt. Gen. Jeffrey Delgado, commanding general sa PAF ug gitambongan sa nagkalain-laing security forces sama sa Navy, Police, ug kanhi mga opisyal sa Armed Forces of the Philippines (AFP).

Si Manalo misaad nga dili niya pakyason ang mga expectation isip bag-ong pangulo sa 2nd Air Division sa AFP pinaagi sa pagpasiugda og improvements sa Air Force personnel ilabi na ang mga pasilidad ug sa operasyon.

"I cannot offer anything to you except transparency, hardwork, dedication to duty and selfless service to our country and people," matud ni Manalo.

Ang outgoing commander nga si Poquiz mapasalamaton sa iyang kauban sa AFP ug sa iyang tunghaan sa Philippine Military Academy tungod sa iyang daku nga kontribusyon isip opisyal sa AFP. Mapasalamaton si Manalo ni Poquiz nga gitagaan siya og higayun nga mahimong Major General ug nisaad nga iyahang padayunon ang mga lakang sa retiradong opisyal human sa daghang nahimo nga serbisyo ubos sa AFP.

Usa ka honorary pin ang gihatag ni Delgado kay Poquiz ug apil na niini ang Command Plaque, Plaque of Honorable Service, Framed Medal, Plaque of Appreciation ug replica cheque atol sa iyang panamilit sa serbisyo. – /GMR) (BANAT NEWS)