CEBU, Philippines - Gihugopan sa mga gi-relocate nga informal settlers ang medical mission nga gihimo diha sa 6.5 ka ektaryang relocation site sa Barangay Paknaan, Dakbayan sa Mandaue.
Ang medical mission sa mga kooperatiba isip kabahin sa National Cooperative Summit karong Oktubre 16 ug 18 niining tuiga. Si Roger Paller nga maoy Public Information Officer (PIO) sa kagamhanan sa maong dakbayan nga nahinabi sa Banat News miingon nga sagad sa nakapahimulos niini kadtong mga bata ug edaran nga lumolupyo. Gihatagan sila og libreng tambal ug libreng bitamina. Si Paknaan Barangay Kapitan Malaquias Soco miingon nga mao kini ang unang higayon nga ang mga nagpuyo sa 6.5 ka ektarya nga relocation site nga nakapahimulos og medical mission.
Matud niya dako kaayo kini og natabang sa kabus nga lumolupyo sa maong dapit nga way ikabayad sa mga medical checkups. (BANAT NEWS)