Water supplier giimbestigar
CEBU, Philippines – Giimbestigar ang tulo ka water suppliers sa barangay Guadalupe, dakbayan sa Sugbo human nitumaw ang kaso sa tipos sa lugar.
Gitahasan karon ni Bise Mayor Edgardo Labella ang City Health ug City Treasurer nga susihon ang credentials sa maong mga water suppliers kun nisubay ba kini sa rekisitos sa pagbaligya og potable water.
Ang mga sakop sa City Health Department mipahigayon og water sampling sa lima ka tig-supply og tubig sa sitio Tugasan, Sandayong, Kanaas ug Lumbani niadtong Domingo aron pagsuta sa hinungdan sa kamatayon sa usa ka residente ug pagkasakit sa pito ka tawo og tipos.
Matud ni Labella ang kabanay sa namatyan makadawat og P10 mil nga burial assistance samtang ang hospitalization expenses sa pito ka mga nangasakit bayaran sa siyudad.
Kagahapon, ang Regional Epidemiology Surveillance Unit nagbutang og chlorine sa tinubdan sa tubig ug nanghatag og water tabs (water purification tablets) sa mga molupyo. -/EIM) (BANAT NEWS)
- Latest
