Hukom vs Ecleo gidasonan sa CA
CEBU, Philippines - Gidasonan sa Court of Appeals sa Cebu ang nahaunang desisyon niini sa kaso ni Ruben Ecleo, Jr., ang giingong supreme master sa Philippine Benevolent Missionaries Association nga guilty sa kasong parricide tungod sa pagpatay sa asawa niini nga si Alona Bacolod-Ecleo niadtong tuig 2002.
Si Associate Justice Gabriel T. Ingles mibasura sa motions for reconsideration ug motion to expunge brief for accused-appellant ug reiterate prayer to hear motion for reconsideration nga gisang-at ni Ecleo tungod kay wala kini merito.
Si Ecleo sa giduso niining motion for reconsideration, miinsister nga wala siya hatagi og due process dihang gipasaka ang kaso batok kaniya ug wala siya dihang gibasa ang sumbong batok kaniya.
Matud pa ni Ecleo wa mawala ang iyang katungod sa pag-apelar tungod kay ang promulgation sa iyang kaso dili balido. Apan ang Office of the Solicitor General nga maoy nagrepresentar sa katawhan miingon nga ang argument ni Ecleo binalik-balik lang.
Giklaro usab ni Ingles gikutikuti nila og diskusyon ang kabalido sa promulgation ug gihatagan si Ecleo og due process dihang kini gibasahan bisan wala si Ecleo motunga.
Si Ecleo kinsa wanted na karon nahukmang sad-an sa kasong parricide ug gisentensiyahan nga mapriso og 20 ngadto sa 40 ka tuig. (Mylen Manto/EIM)(BANAT NEWS)
- Latest
