Seguridad sa treasurer’s office palig-unon

CEBU, Philippines - Gihangyo sa hunta probinsiyal sa Sugbo ang Cebu Provincial Police Office nga tabangan ang mga lokal nga kagamhanan sa pagpalig-on sa ilang seguridad ug ang pagprotekta sa mga munisipyo.

Kini human sa sunod-sunod nga nahitabong kawat sa mga buhatan sa tresurero sulod lang sa pipila ka semana. Gihulagway ni Bokal Arleigh Sitoy nga alarming na ang mga pagpangawat nga mikuha og dagkung kantidad sa kuwarta.  Giawhag usab ang mga lokal nga kagamhanan sa probinsya nga palamboan ang ilang seguridad labi na sa buhatan diin ilang gitipigan ang mga kuwarta. Matud sa hunta probinsyal nga adunay mga vaults sa lungsod nga guba na ug dali ra maablihan sa mga kriminal. Wala’y closed circuit television (CCTV) camera ang mga buhatan nga gitulis. “Security within the municipal hall and offices were found to be lax despite the fact that there was money in their vault,” matud ni Sitoy sa resolusyon. (BANAT NEWS)