Gidunggab sa igsuon patay

CEBU, Philippines - Patay ang usa ka 32-anyos nga lalaki human dunggaba sa iyang igsoon sa Pulpugan I, barangay Pulpugan, Consolacion.

Ang biktima naila nga si Roel Claros Candido samtang ang suspek naila sab nga si Ronald Cabigas Candido, 23, nga pareho nga nagpuyo sa maong lugar. Sumala pa ni SPO3 Renerio Patillas sa Consolacion Police nga nahinabi sa Banat News nga dugay na nga adunay dili maayong pagtinagdanay ang duha ka magsuon ug kanunay kining magkalalis.

Ang usa sa mga paryente sa biktima nga si Elvie Candido ang unang nakakita sa biktima nga nagkadugo na ug dali pa unta nga gidala sa Eversley Sanitarium Hospital apan nakabsan gyud sa iyang kinabuhi. Gihulagway ni Patillas nga ang samad dinunggaban sa dughan nga naangkon sa biktima nga “fatal” kaayo ang pagka-igo ug mao’y hinungdan sa kamatayun. (BANAT NEWS)