Road sharing karong hapon

CEBU, Philippines -  Nipahimangno ang executive director sa City Traffic Operation Management (CITOM), Atty. Rafael Yap, sa publiko sa posibleng paghuot sa trapiko sa pipila ka kadalanan sa dakbayan sa Sugbo karong hapon.

Nanawagan si Yap sa mga motorista nga mangandam ug mobiyahe kini og sayo aron dili malangan.

Ang Green Loop Project karong adlawa ilusad diin bahinon ang karsada alang sa mga motorista, pedestrian, bike lane ug sidewalk.

Ang mga barangay nga maapektohan mao ang Kamputhaw, Capitol Site, Cogon Ramos, Santa Cruz ug Zapatera hinuon wala’y karsada nga siradohan.

Ang maong road sharing activity ipahigayun gikan sa alas 3:00 sa hapon hangtud sa alas 7:00 sa gabii karong adlawa.

Atol sa paglusad sa Green Loop, 16 ka kalihukan ang ipahigayun diin lakip niini ang zumba, flow arts, yoga, pagbuhat og poso, skate boarding ug uban pa. (BANAT NEWS)