VSMMC mihimakak sa insidente, giimbestigar
CEBU, Philippines - Gihimakak sa kadagkoan sa Vicente Sotto Memorial Medical Center (VSMMC) ang insidente nga gikalambigitan sa tambalanan samtang padayun usab ang imbestigasyon.
Si Dr. Gerardo Aquino, direktor sa VSMMC mitataw nga wala mahulog sa sawog ang bata nga bag-ong natawo sukwahi sa mga unang report.
Matud ni Dr. Ramon Najarro, sakop sa investigating team, nga dunay susamang panghitabo apan ang bata nasawo sa nurse nga nagbantay.
Gipahamtangam og silot ang resident physician nga nag-atiman sa inahan.
Si Aquino miingon nga gihimo nila ang tanan aron dili masubli ang insidente nga naglambigit sa usa ka bata.
Samtang nagpadayon ang imbestigasyon labot usab sa usa ka bata nga giingong nalubag ang liog dihang gipakatawo sa tambalanan.
Matud ni Aquino nga lakip sa ilang ipatawag ang kadagkoan sa Eversely Child Sanitarium nga maoy nag-refer sa bata.
Giangkon sa mga opisyal sa VSMMC nga dunay kakuwangan sa komunikasyon tungod kay wala masayud ang amahan ug lola sa bata labot sa gidangatan sa bata. (Decemay P. Padilla/GMR)(BANAT NEWS)
- Latest
