Gunmen sa ambush “Amateurs” – CIB
CEBU, Philippines – Nagtoo ang kapulisan nga dili mga professional hired killers ang mga mi-ambush sa negosyante nga si Jonathan Go, kauban ang iyang anak, niadtong nakalabay nga adlaw sa Happy Valley, Guadalupe , Cebu City.
Kini maoy pagtan-aw ni Superintendent Romeo Santander ang hepe sa City Intelligence Branch sa paagi sa mga gikatahapan dihang ilang gitabangan pagpusil ang mga biktima ug pagkahuman nag-iyahay og panagan palayo.
Ang insidente na-record sa close circuit television (CCTV) camera nga gitan-aw na karon sa kapolisan.
“ Sa execution sa mga gunmen, amateur g’yud. Makita nimo nga not fit for term nga professional (hired killers),” sigun pa ni Santander.
Gipaningkamotan karon sa kapulisan nga makapagawas na ‘sab sila og computer generated sketch sa duha ka gunmen aron mas dali silang mailhan ug matultolan sa kapolisan.
Gibutyag ni Santander nga iya na nga nakaestorya ang asawa sa biktima ug duna na silay nakuha nga impormasyon kun si kinsa ang posibleng mastermind sa maong krimen.
Nasayran nga niadtong nakalabay nga tuig nakadawat og hulga sa kinabuhi si Jonathan ug na-blotter kini sa kapulisan.
Wala hinuon gibutyag sa kapulisan ang dugang pa nga detalye sa maong hitabo, apan sumala pa usa kini sa iyang gisubay karon. Unang gidudahang motibo ang anggulo sa negosyo ug ang personal grudges. -/EIM) (BANAT NEWS)
- Latest
