Yati sa Awstralyano gilungkab
CEBU, Philippines - Nahanaw ang alahas ug mahalong mga butang sa usa ka Awstralyano dihang ang yati nga gi-angkorahe daplin sa dagat sa Malbago, barangay Luyang, lungsod sa Carmen gilungkab sa mga kawatan.
Si SPO2 Simplicio Gibo sa Carmen Police Station miila sa biktima nga si Paul Anthony Klien, 63-anyos ug temporaryong nagpuyo sa maong dapit.
Matud ni Gibo nga nadiskobrehan sa biktima nga ang maong pagpanglungkab alas 3 pasado na sa hapon niadtong Martes apan ilang gituohan nga ang pagpanglungkab nahitabo sa niagi pa’ng gabii.
Nakasulod ang mga kawatan pinaagi sa paglungkab sa pultahan ug gikuha ang singsing nga bulawan sa langyaw, mga kinahang imported nga sigarilyo ug gipundong beer sa sulod niini.
Si Gibo miingon nga kasamtangan karon nilang gihimo mao ang pagpanguha og fingerprints sa gawas ug sa sulod sa maong yati ug pagsukitsukit sa mga tawo sa maong dapit sa pamasin nga adunay nakakita sa mga kawatan nga naglungkab niini.-(BANAT NEWS)
- Latest
