CEBU, Philippines - Mitahan ang usa ka reflexologist human kini nakadunggab sa iyang silingan didto sa Gorordo Avenue, Barangay Lahug, dakbayan sa Sugbo kaniadto’ng Biyernes sa gabii.
Si Hargie Ombos, 45, miangkon nga nadunggaban niya si Dennis Sanchez, 31, helper sa tindahan.
Gikan sa internet café si Sanchez ug samtang padulong na kini mogawas giduslak dayon siya sa suspek og kutsilyo.
Ang biktima nakaangkon og samad sa wala nga bahin sa iyang lawas ug bukton diha’ng midagan ug nangayo’g tabang. Si Ombos mitahan usab dayon sa kapolisan sa Mabolo dala ang kutsilyo.
Matud sa kapolisan nga ang suspek ug ang biktima dunay karaang panagdumot. (BANAT NEWS)