Bugas gikan sa Vietnam niabot sa Sugbo
CEBU, Philippines - Usa ka lalaki ang gidudahang nalambigit sa ilegal nga drugas ang napalgang patay ug may mga nakuhang drugas, cash ug bala sa armas diha sa Purok Kangkong, Sacred Heart Village sa Barangay Gun-ob dakbayan sa Lapu-Lapu sa miaging Domingo sa gabii.
Si SPO1 Allan Pantaleon, imbestigador sa Lapu-Lapu City Police Office- Homicide Section nagkanayon nga nahitabo ang pagpusil alas 11:20 sa gabii.
Pinaagi sa iyahang voter's ID, nailhan ang biktima nga si John Belonio, 31, residente sa Barangay Pajo.
Unom ka kabhang sa bala ang nakit-an sa crime scene, samtang usa ka magazine nga adunay pito ka buhing bala, tulo ka gagmay’ng pakete sa ginadiling drugas, cellphone ug P10 mil nga cash ang nakuha gikan sa iyang bulsa.
Gawas niini, usa ka Honda motorcycle nga pula ug puti ang kolor nga may plakang 7222-XW ang nakit-an dili layo diin siya nahagba.
Nakaangkon og samad pinusilan ang biktima sa iyahang lawas ug gideklarar sa Lapu-Lapu City District Hospital nga dead-on-arrival. - /EIM) (BANAT NEWS)
- Latest
