CEBU, Philippines - Gigahinan na og P52 milyones ang pagpang-aspalto sa mga karsada sa kabarangayan sa dakbayan sa Toledo.
Si Toledo City Councilor Zosimo Solly Abellanosa miingon nga ang pundo kuhaon gikan sa naaprobahan nga supplemental budget.
Ang mga karsada nga unahon pagpanindot nahimutang sa Barangay Bato nga magdugtong sa Barangay Awihaw hangtod na sa Bulongan.
Nagpadayon usab ang bidding alang sa mamahimong kontraktor sa maong proyekto.
Pipila ka bukirang barangay sa Toledo bati kaayo’g karsada ug lisud agion labi na og mag-uwan. (BANAT NEWS)