CEBU, Philippines - Atol sa pagbunok sa uwan sa niaging gabii, 16 ka balay ang naugdaw sa sunog sa sitio Kawot, Bankal, dakbayan sa Lapu-Lapu. Gitumbok nga hinungdan ang kusog nga pagbunok sa uwan ug kilat niadtong gabhiona.
Matud ni Fire Officer 3 Teotimo Vallar sa Lapu-Lapu City Fire Department nga ang sunog nagsugod sa usa ka electrical short circuit sa balay nga gipanag-iya ni Melvin Sinangote. Ang mga residente miingon nga samtang nag-uwan, may nipiti atol sa kilat ug pipila ka minutos kalit napawong ang suga.
Nadawat ang alarma alas 8:10 sa gabii ug nakontrolar ang sunog sulod sa 15 minutos nga niabot sa second alarm.
Gibana-bana nga P200 mil ang danyos sa sunog ug kasamtangang gipahimutang sa Basak Barangay Hall ang mga biktima.
Si Mario Inot, barangay kapitan sa Bankal, nagkanayon nga makig-coordinate siya sa City Social Welfare Services sa pag-asses sa sitwasyon aron mahibaw-an kung angay ba ipaubos sa state of calamity ang lugar. (/GMR)(BANAT NEWS)