Mga drayber anti-pork sab

CEBU, Philippines- Gipaluyohan sa Pinagkakaisang Samahan ng Tsuper  at Operator’s Nationwide (PISTON) ang People’s Initiative nga gipasiugdahan sa kaparian ug ubang sektor sa katilingban.

Si Greg Perez nga mao’y PISTON coordinator sa Sugbo nga nahinabi sa Banat Manobela miingon nga ang ilang kadagkoan gikan sa kaulohan mianhi gyud sa Sugbo sa pagpakita sa kusganong suporta sa kalihukan. Gitataw niya nga ilang gipakita ang ilang suporta tungod kay lakip sila sa PISTON nanawagan usab sa hingpit nga pagwagtang sa pork barrel system sa nasud.

Matud ni Perez nga ang pagwagtang sa pork barrel system wala’y kalainan sa dugay na usab nilang gitinguha nga pagwagtang sa oil deregulation law nga wala gyud hatagi og pagtagad sa mga magbabalaud.

Si Perez miingon nga ang mga dagkung kompaniya sa lana sa nasud mao’y nagkontrol sa presyo sa gusto lang nilang mopakunhod o mopausbaw niini.

Matud ni Perez nga aduna’y ginagmay nga pagkunhod sa presyo sa matag litro sa lana nga ipatuman apan doblehon usab kon may usbaw sa presyo. - /GMR) (BANAT NEWS)