CEBU, Philippines- Gibarugan sa kahugpungan sa mga tindera sa dakbayan sa Talisay nga dili na sila mamalik sa Lagtang Public Market diin sila gibutang niadtong gisirad-an ang merkado sa Tabunok.
Matud ni Marivic Lasquete, bise-presidente sa Tabunok Public Market Fish Vendors Association nga menos ang ilang halin sa Lagtang.
Matud ni Lasquete nga menos ang tawo nga moadto sa Lagtang ug mga dubok lang ang ilang mga tinda.
Usa usab sa ilang hangyo nga unta pahibaw-on sila sa desinyo sa tukuron nga bag-ong building sa merkado sa Tabunok aron ilang mabanabana kon angayan ba sila’ng ibutang sa maong lugar ug kon pila ang abang sa mga stalls sa dili pa hingpit nga tukuron.
Ila usab gikasabutan nga kung maaprobahan sa Committee on Laws sa konseho sa dakbayan sa Talisay, iparehistro nila ang ilang asosasyon sa Department of Labor and Employment. - /GMR) (BANAT NEWS)