Managsuong polis gireklamo sa silingan

CEBU, Philippines- Usa ka polis ug igsuon niini nga usa pa lang ka police trainee ang gireklamo sa ilang silingan sa Punta Princesa Police Station, human matud pa nanion og armas ug mikulata sa usa ka 19-anyos nga babaye diha sa Sitio Bugnay II, Labangon, Cebu City sa miaging gabii.

Ang gipangreklamong managsuon nga polis mao sila si PO1 Jane Ann Magdalera, 22, usa ka police trainee ubos sa Field Training Program (FTP) nga nadestino sa Police Station 6 ug ang iyang magulang lalaki nga si PO1 Josephus Magdalera,25, nadestino sa Regional Public Safety Battalion (RPSB7) 3rd Company sa lalawigan sa Bohol.

Samtang ang mireklamo mao si Gladys Joy Allosada nga nagpuyo ra sab sa maong lugar. Sayo nianang adlawa, nagkabikil si PO1 Jane Ann sa igsuon ni Allosada nga si Clair Marjorie tungod sa balde nga gipatiran sa maong polis kay nakaali sa agianan sa motor.

Nianang pagkagabii gipasanginlan ang magsuong polis nga ilang gisulong ang balay sa mga biktima ug gipangtionan sila og armas.  Kini hugtanong gihimakak ni PO1 Josephus Magdalera.

Matud ni Chief Inspector Sarah Jane Recla dugay nang adunay panagbingkil ang maong mga managsuon sa duha ka pamilya. - /EIM) (BANAT NEWS)