People’s Initiative campaign gisugdan na
CEBU, Philippines - Dul-an tres mil ka mga tawo ang mitambong sa pagsugod sa kalihokan sa gitinguhang People's Initiative nga planong makatigom og sayes milyones ka pirma sa tibuok nasud aron hingpit nang mawala ang mga “pork barrel” system sa nasud.
Nag-unang nanambong mao ang mga kadagkoan sa Artsidiyosisis sa Sugbo pinangulohan ni Cebu Archbishop Jose Palma ug mga miyembro sa mga militanteng partilistang grupo. Ang mga organizers nangangkon singko mil ang mitambong apan sa pagbana-bana ni Station 3 police station chief Senior Inspector Wayne Magbanua, 2,500 lamang kini, gamay ra itandi sa gilauman sa mga organizers nga 10,000 ang motunga.
Si Liza Maza, co-chairman sa Makabayan naglaum nga makompleto nila ang mga pirma sa bulan sa Enero sa sunod tuig.
Lakip sa mitambong si ZTE-NBN scandal whistleblower Jun Lozada, Sisters Association in Mindanao, ACT, Cebu Coalition Against Pork Barrel ug uban pa. (BANAT NEWS)
- Latest
