CEBU, Philippines - Singko mil ka kilong silik sa iho (shark’s fins) luwan sa usa ka 20-footer van ang na-intercept kagahapon sa mga sakop sa joint operations sa Lapu-Lapu City Task Force Kalikasan ug Cebu Provincial Anti-Illegal Fishing Task Force diha sa Marcelo Fernan Bridge, wa pay usa ka semana human nakasakmit ang grupo og karne sa thresher shark sa Asturias.
Apan gibuhian ra gihapon kini human nakapresentar og mga legal nga dokumento ang driver nga si Marlon Obasa nga nagpakitang imported kini gikan sa nasud sa Espanya ug dad-on sa Hong Kong.
Apan bisan pa niini, mikuha og tulo ka silik si Madrigal aron ipasusi kon di ba kini gikan sa kadagatan sa Sugbo ilabi na sa Malapascua Island sa Daanbantayan diin daghan ang thresher sharks.
Sumala pa nga ang dokumento nagpakita nga miabot sa Sugbo ang maong kargamento gikan sa Espanya niadtong Hulyo 31 ug i-export unta ngadto sa Hong Kong karong Agosto 30.
Ubos sa Provincial Ordinance gidili ang pagkuha og thresher sharks. Gidili usab kini sa Republic Act 8550 kun “Philippine Fisheries Code of 1998.” (BANAT NEWS)