CEBU, Philippines- Gidunggab sa uyoan ang usa ka drayber sa traysikad kinsa nanghagis sa kahubog sa Purok Lasang Balikbayan, Soong 1, barangay Mactan, dakbayan sa Lapu-Lapu niadtong Sabado sa hapon.
Ang suspetsado nailhan nga si Germenio Pulvera, 62, uyoan sa biktima nga si Marlon Augusto, 37 nga nagpuyo sa maong lugar.
Si SPO1 Allan Pantaleon sa Lapu-Lapu City Police Office nagkanayon nga si Augusto kalit nga nag-wild ug nanglabay og bato sa balay ni Pulvera.
Si Pulvera nigawas sa balay ug gipakalma si Augusto apan nanghagit hinuon og sinumbagay.
Unang nisumbag si Augusto apan nakalikay si Pulvera.
Si Pulvera nga wala nakauyon sa gibuhat sa iyang pag-umangkon nikuha og kutsilyo dayong dunggab kang Augusto kinsa naigo sa wala nga bahin sa iyang lawas.
Gidala ang biktima sa Lapu-Lapu City Hospital apan gibalhin sa Vicente Sotto Memorial Medical Center.
Ang suspetado daling gidakop sa mga nirespondeng kapolisan. - /GMR) (BANAT NEWS)