Linog sa Asturias

CEBU, Philippines - Gitay-og sa Magnitude 2.7 nga linog ang Asturias ug kanait nga mga dapit pasado alas sayes kagahapon sa buntag atol mismo sa pagsaulog sa lungsod sa ilang ika-129 nga kapistahan.

Matud ni Robinson Georgio sa Philippine Institute of Volcanology and Seismology (PHIVOLCS)-7 nga nabatyag ang maong linog alas 6:19 ang takna sa nahisgotang lungsod.

Ang linog nabatyagan usab sa ubang mga dapit sa lalawigan ug dakbayan sa Sugbo. Dugang ni Georgio nga siyam ka kilometros lang ang giladmon sa maong linog ug tectonic ang iyang origin kun pagsibog sa yuta didto sa ilawom.

Walay gikataho nga may mga tawo nga naangol sa maong linog ug wala say mga kadaot nga nahiaguman sa Asturias. Human sa linog wala nay mga “aftershocks” nga namatikdan.  (BANAT NEWS)