CEBU, Philippines - Patay ang usa ka babaye nga gipusil sa iyang silingan pasado alas- 3 sa miaging hapon sa Sitio Batoan sa Barangay Sudlon Dos sa dakbayan sa Sugbo.
Ang namatay naila nga si Ellen Ybañes, 24, samtang gipangita karon si Erwin Alicaba nga maoy gitumbok sa biktima nga mipusil kaniya sa wala pa kini mabugtui sa kinabuhi. Base sa imbestigasyon sa kapolisan nga giapas ang biktima sa kapuyo nga si Antonio Cabrillos tungod kay dugay kining naabot apan naagian niya kini sa dalan nga naglubog na sa yuta ug nagkadugo nga nagtinga. Niadtong Hulyo niining tuiga gisulong sa suspek ang balay sa biktima ug nanghagad og sinumbagay apan wala kini tagda sa kapuyo sa namatay.
Si SPO3 Rey Cuyos sa Homicide Section nagkanayon nga mibutyag sa kapuyo sa biktima nga nasuko ang suspek nga dili siya maoy gipili sa biktima ug adto kini miipon ni Cabrillos. (BANAT NEWS)