Donasyon alang sa CCMC lapas na P13 milyones
CEBU, Philippines - Mikabat na og P16 milyones ang tanang donasyon apil na ang mga dolyares ang nadawat nga donasyon sa kagamhanan sa Sugbo alang sa katukuran sa bag-ong building sa Cebu City Medical Center (CCMC).
Si Cebu City treasurer Diwa Cuevas mibutyag nga gawas sa mga donasyon ang kagamhanan sa Sugbo duna kini pundong P300 milyones alang sa katukoran sa CCMC.
Gibutyag ni Cuevas nga duna nay gipahigayong meeting kabahin sa pag-bidding ug sa mga rekisitos nga gikinahanglan sa maong proyekto.
Ang kagamhanan sa Sugbo nagkinahanglan og P1.5 bilyon nga pundo alang sa 10-storey building sa CCMC nga anam-anamon lang pagpataas aron maka-accommodate og 1,000 bed capacity.
Si Architect Mico Espina maoy nigama sa site development plan sa CCMC diin ubos sa plano ang bag-ong CCMC dunay hanging garden, luag nga conference ug function rooms, mga parking area nga mahimutang sa ground floor ug upper floors, modernized emergency medical services, security office, mortuary, commercial spaces, supply storage, housekeeping, workshops, chapel ug uban pa. (/EIM)(BANAT NEWS)
- Latest
