“Fratman” gipusil patay

CEBU, Philippines -  Blangko pa ang Homicide Section sa Cebu City Police Office (CCPO) sa tinuoray nga pangalan sa usa ka gituohang sakop og fraternity nga gipusil patay kagahapon sa alas- 11 sa buntag sa V. Rama, Corner B. Rodriquez, Calamba, Cebu City.

Ang biktima naila lang sa pangalan nga si “Lin”, gibanabana nga nag-edad og 30-anyos pataas.

Si PO1 Reoful Adalin nga nahinabi sa Banat News nagkanayon nga naglakaw ang biktima sa maong lugar dihang kalit kining gihunongan sa usa ka motorsiklo nga dunay sakay nga duha ka lalaki nga nag-helmet.

Gipusil ang biktima hinungdan nga midagan apan gigukod gihapon hangtud nga naapsan ug giusban sa pagpusil sa iyang kamot, ulo ug dughan.

Gituohan nga “Lin” ang pangalan niini base sa nakit-ang mga text messages sa cellphone niini. Nagduda ang kapolisan nga drugas ang motibo sa pagpatay kaniya tungod sa mga text nga nakuha sa iyang cellphone. (/EIM)(BANAT NEWS)