AFP: Visayas wa’y hulga batok Aquino
CEBU, Philippines - Wala’y na-monitor ang Central Command nga posibleng lihok sa destabilisasyon batok sa pamunoan ni Presidente Benigno Aquino III.
Kini ang gibutyag ni Lt. Gen. John Bonafos, commanding-general sa Centcom nga nahinabi sa mga tigbalita.
Matud ni Bonafos nga wala’y rason nga mosuporta sila sa maong kalihukan gumikan kay usa ka tarung nga pang-goberno ang gipatuman karon.
Gani iyang gipasigarbo ang pagpahimong moderno sa ilang mga gamit military.
Usa sa plano karon ni Bonafos ang paghimo og “Truth Information Enlightenment Program” ngadto na sa mga sakop aron kapugngan ang unsa mang plano sa pipila ka mga sakop sa Armed Forces of the Philippines batok sa kasamtangan nga panggobyerno.
Wala mokompirmar si Bonafos sa taho nga usa ka grupo sa mga retiradong heneral ang nagplano palagputon sa gahum si Aquino.
Gipasabot ni Bonafos nga nakat-on na sila sa nanglabay nga mga panghitabo nga napalagpot sa gahum ang pangulo pinaagi sa destabilisasyon ug ila kining alkontrahan aron dili na subling mahitabo. (BANAT NEWS)
- Latest
